ನೆನಪು

 #samyojane#

ಮತ್ತದೇ ಹಳೆಯ ನೆನಪಿನ ಸುರಳಿ 

ಸುತ್ತಿ ಸುತ್ತಿ ಬರುತಿದೆ ಬೆನ್ನು ಹತ್ತಿ 

ಮರೆಯುವಂತಿಲ್ಲ,ನೆನೆಯುವಂತಿಲ್ಲ 

ಬರಡಾಗಿದೆ ಕಣ್ಣೀರು ಬತ್ತಿ 

ಎದೆಯಂಗಳದಿ ಕಲೆತ ಮಧುರ ಭಾವನೆ 

ಕಲ್ಲಾಗಿಹುದು ಹೇಳದೇ ಸುಮ್ಮನೆ 

ತುಟಿಯಂಚಿನ ಕಿರುನಗೆಯು 

ಮರೆಯಲಿ ಮಿಡುಕಾಡಿದೆ ಮೆಲ್ಲನೆ 

ವಸಂತ ಕಾಲಕಿನ್ನು  ಸಮಯವಿದೆ 

ಅದರೊಳಗೆ ಎದೆಕುಂದುವ ಭಯವಿದೆ 

ನೋವುಗಳ ಸರಮಾಲೆ ಸರಿದಂತಿದೆ 

ಹೊಂಬೆಳಕಲಿ ಒಡಲು ಮೀಯಬೇಕಿದೆ 

ಕರೆಯಲೇ ಕಳೆದು ಹೋದ ಸಂತಸ 

ನಲಿಯುವುದೆಂದು ನನ್ನ ಮನಸ( ಸು)

ಕಾತರದಿ ಕಾದಿಹುದು ಕಣ್ಣು ಗಳು 

ಮರೆತು ನಲಿಯಬೇಕಿದೆ  ಪಾದಗಳು 

ಸುರಭಿ ಲತಾ