ತುಂಬಿದ ಮನೆ ನನ್ನ ಮನೆ
ಅಮ್ಮನಂತೆ ಅತ್ತೆಮ್ಮ
ಮಗಳಂತೆ ನಾದಿನಿ
ಬೆನ್ನು ತಬ್ಬಿದ ಕಂದ
ಬರಲು ಗಣಪತಿಯ ಹಬ್ಬ
ಮಾಡುವೆ ಒಬ್ಬಟ್ಟು ಕಡುಬು
ನಲಿಯುವರು ನನ್ನವರು
ಹೆಮ್ಮೆ ಯಿಂದಲಿ ಹೊಗಳುವರು
ಸುತ್ತ ಮುತ್ತಲೂ ಹತ್ತಾರು ಮನೆ
ಕೊಟ್ಟು ಬರುವೆ ತಿಂಡಿ ನಾನೆ
ಬಂಧು ಗಳಂತೆ ನಾವೆಲ್ಲ
ಆಚರಿಸುವೆವು ದಿನವೆಲ್ಲಾ
ವರುಷದ ಕಷ್ಟ ನೋವು ಮರೆತು
ಬೇಡುವೆವು ಭಗವಂತನ
ತುಂಬಿದ ಮನೆ ಕೊಟ್ಟವನ
ನಂದಗೋಕುಲವಾಯಿತು ಮನ
ಸುರಭಿ ಲತಾ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ