ಬಿಡಲೊಲ್ಲೆನೋ ಕೃಷ್ಣ ನಿನ್ನ 

ಬೆಣ್ಣೆಯ ತಿಂದು  ಓಡಿ ಹೋಗುವೆ 

ಮೆಲ್ಲ ಮೆಲ್ಲನೆ ಮುಗುಳು ನಗೆಯಲಿ 

ಮನವ ಕದ್ದು ಮರೆಯಾಗುವೆ 

ಬಿಡಲೊಲ್ಲೆನೊ ಕೃಷ್ಣ ನಿನ್ನ 

ಜಳಕವಾಡಲು ನದಿಯ ತೀರದಲಿ 

ಬಂದು ಸೇರುವೆ ಕಡಲಿನಲಿ 

ಬೆತ್ತಲ ದೇಹವ ಕಂಡು 

ಕೊಲ್ಲುವೆ ನೀ ಕಣ್ಣುಗಳಲಿ 

ಬಿಡಲೊಲ್ಲೆನೋ ಕೃಷ್ಣ ನಿನ್ನ 

ಯಶೋದೆಗೆ ಹೇಳಲು ತುಂಟಾಟ 

ಮುನಿದವನಂತೆ ನಟಿಸುವೆ 

ಬರದೇ ಬಳಿ ವಿರಹದಿ ಕಾಡಿಸುವೆ 

ಸಖಿಯರನೇ ಬೇಡಿಸುವೆ 

ಬಿಡಲೊಲ್ಲೆನೋ ಕೃಷ್ಣ ನಿನ್ನ 

ಮುದ್ದು ಮರಳು ಮಾತಿನಲಿ 

ಮುತ್ತ ಕೇಳಿ ಮರೆಯಲಿ 

ಮೆತ್ತನೆ ಗಲ್ಲವ ಹಿಂಡಿ 

ಮತ್ತು ಬರೆಸಿ ಓಡುವೆ 

ಬಿಡಲೊಲ್ಲೆನೋ ಕೃಷ್ಣ ನಿನ್ನ 

 ಸುರಭಿ ಲತಾ